SALMA BOUYE

أنا طالبة ماستر فالقانون، وعندي شغف كبير بالتعليم ومساعدة الآخرين على التعلم بطريقة ممتعة وفعّالة . عندي تجربة كبيرة فـتدريس وتعليم الأطفال اللغة الإنجليزية وحتى العربية للأطفال الأجانب. خلال الدروس، كنستعمل مزيج بين التعلم النظري، الأنشطة التفاعلية، اللعب، ، باش الأطفال يتعلمو بطريقة ممتعة ويكتسبو المهارات بسرعة وبثقة . هاد الطريقة كتخلي التعلم تجربة حقيقية وكتعطي كل طفل الفرصة يكتشف قدراته ويستمتع بالدرس في نفس الوقت . زيادة على هادشي، كنت مؤطرة فواحد الجمعية سميتها Project Soar. فين علّمت الفتيات كيفاش يطوّرو راسهم ومهاراتهم الشخصية والاجتماعية. كنساعدهم يكتاشفو قدراتهم ويزيدو يثقو فراسهم. عطيو لراسكم الفرصة باش تتعلمو، تكتاشفو قدراتكم، وتستمتعوبالرحلة.

.بغيتي تهدر الإنجليزية بثقة وتفهمها بسهولة؟ معايا غادي تتعلم بطريقة ممتعة وتفاعلية، خطوة بخطوة . الدروس ديالي مختلفة حيت كنجمع بين الفهم، التطبيق، والمتعة .كنستعمل طرق حديثة باش كل واحد يقدر يتعلم على قد مستواه، سواء مبتدئ أو باغي يطوّر مهاراته كل حصة معمولة بطريقة تفاعلية: تمارين، محادثات واقعية، وألعاب تعليمية باش التعلم يكون ممتع وماشي روتيني الهدف ديالي هو نخلي كل طالب يولي يهدر الإنجليزية بثقة، يفهم القواعد بسهولة، ويقدر يستعملها فالخدمة، الدراسة، والحياة اليومية